Agent Special, Dis-moi tout!

Lanmou donnen tout kote. Nan tout kwen, nan tout kay, nan mache, nan bato, nan simityè, bò lari, nan legliz, nan seremoni vodou. Gen lanmou ki vini pou kont li. Gen lanmou moun provoke, gen lanmou sonw goute ki tou kole, gen lanmou se abitid degize. Gen lanmou 1h de tan, 30 minit, 3 zan, 45 ans. Gen moun ki konn fèmen nan yon kay pou lavi, poutan yo pat renmen yon fwa. Lanmou pa fòseman plaj, sinema, vwayaj, camping. Lanmou pa fòseman yon souri devan yon vè te cho, yon kolye pou twa milyon goud, yon selilè pou 1,500 dola meriken. Gen lanmou ki grandi, ki pote fui. Moun yo te renmen tou piti, yo grandi ansanm, malgré lòt « aventure » yo te genyen separeman, malgré vwayaj, malgré etid, malgré entèvansyon dyaspora nan lavi amourez yo, yo rete la, yo grandi, jouk yo marye, fonde fwaye, viv ansanm.